Samarqandda 15 yoshli o‘smir, ijaraga olgan avtomobili bilan jiddiy yo‘l-transport hodisasiga uchradi.

Hodisa 26-yanvar kuni sodir bo‘ldi. O‘sha kuni soat ertalab 02:30 atrofida Samarqandlik ikki nafar voyaga yetmagan o‘smir mashina ijaraga olib, yo‘lga chiqishdi.

 

O‘smirlardan birining buvisi, nabirasining uning qaramog‘ida ekanligini aytdi. Uning so‘zlariga ko‘ra, o‘sha kuni u uydan "hozir qaytaman" deb chiqib ketgan, ammo uzoq vaqt qaytmagan. Keyinchalik qarindoshlarga o‘smirning baxtsiz hodisaga uchragani haqida xabar berilgan.

 

Jiddiy jarohatlar olgan bolalar juda og‘ir ahvolda Respublika Favqulodda Tibbiy Yordam Ilmiy Markazining viloyat filialiga olib kelingan. Shifokorlarning aytishicha, hozirgi vaqtda o‘smirlarning ahvoli o‘rtacha og‘irlikda baholanmoqda.