Oy shahri qurilishi kamida 10 yil davom etadi — Mask

Amerika kompaniyasi SpaceX o‘z e‘tiborini Oy ustida o‘z-o‘zini rivojlantiruvchi shahar qurishga qaratdi. SpaceX asoschisi Elon Musk X ijtimoiy tarmog‘ida bildirishicha, buni 10 yildan kamroq vaqt ichida amalga oshirish mumkin, Marsda esa bunday shaharni qurish 20 yildan ko‘proq vaqt talab qiladi.

 

Muskning so‘zlariga ko‘ra, SpaceXning vazifasi hali ham "ong va biz bilgan hayotni yulduzlarga tarqatish"dir. U ta'kidladiki, Marsga sayohat faqat har 26 oyda bir marta sayyoralarning ma'lum bir joylashuvi bilan mumkin bo‘lib, parvoz vaqti olti oyni tashkil qiladi. Oyga esa har 10 kunda bir marta uchirish mumkin (parvoz ikki kun davom etadi).

 

"Bu shuni anglatadiki, biz Oy shahrini Mars shahriga qaraganda ancha tezroq qurib bitirishimiz mumkin", – deb ta'kidladi Musk.

 

SpaceX, shuningdek, Mars shahrini qurishga intiladi, deb qo‘shdi milliarder. Kompaniya bu ishga taxminan besh-yetti yildan keyin kirishadi.